මාධ්‍ය රෙගුලාසි යෝජනා ජනමාධ්‍ය අමාත්‍යංශයට
ශ‍්‍රී ලංකාවේ මාධ්‍ය නියාමන යාන්ත‍්‍රණයක් සඳහා වන යෝජනාවල දළ සැළැස්මක් ශ‍්‍රී ලංකා පුවත්පත් ආයතනය සහ ඊට අනුබද්ධ සංවිධාන ජනමධ්‍ය අමාත්‍ය කෙහෙළිය රඹුක්වැල්ල මහතා වෙත භාර දෙන ලදී.
ස්වයං නියාමන මුලධර්ම මත පදනම් වූ යෝජිත මාධ්‍ය අධිකාරියට මුද්‍රිත,විකාශන සහ ඩිජිටල් මාධ්‍යද ඇතුළත් වේ.
අමාත්‍යවරයා හමුවූ එම නියෝජිත කණ්ඩායමට ශ‍්‍රී ලංකා පුවත්පත් හිමිකරුවන්ගේ සංගමය, ශ‍්‍රී ලංකා කර්තෘ සංසදය, නිදහස් මාධ්‍ය ව්‍යාපාරය, ශ‍්‍රී ලංකා මුස්ලිම් මාධ්‍ය සංසදය, දෙමළ මාධ්‍ය සන්ධානය, මාධ්‍ය සේවක වෘත්තීය සමිති සම්මේලනය, දකුණු ආසියානු නිදහස් මාධ්‍ය සංගමය - ශ‍්‍රී ලංකා පාර්ශ්වය සහ ශ‍්‍රී ලංකා පුවත්පත් ආයතනයේ නියෝජිතයෝ ඇතුළත් වුහ.
යෝජිත මෙම නව යාන්ත‍්‍රණය ඔස්සේ 1973 අංක 5 දරණ පුවත්පත් මණ්ඩල පනත අහෝසි කිරීම මෙන්ම 1996 යේ අංක 37 දරණ ශ‍්‍රී ලංකා ගුවන්විදුලි සංස්ථා පනත, 1982 සංශෝධිත අංක 6 දරණ ශ‍්‍රී ලංකා රුපවාහිනි පනත,1991 අංක 25 දරණ ශ‍්‍රී ලංකා විදුලි සංදේශ පනත,1839 අංක 5 දරණ ශ‍්‍රී ලංකා පුවත්පත් ආඥා පනත යන පනත් වල සංශෝධන ද ඇතුළත් වේ.
යෝජිත අධිකාරිය ජනමාධ්‍ය ක්‍ෂෙත‍්‍රයේ සහ රාජ්‍ය මාධ්‍ය නියෝජිතයන් සහ මූල්‍ය, නීතිය, තොරතුරු හා සන්නිවේදන තාක්ෂණ හා නව මාධ්‍ය යන ක්‍ෂෙත‍්‍රයන්් වල විශේෂඥයන්ගෙන් සමන්විත වේ.
වර්තමාන මාධ්‍ය වෘත්තීය මේ ඔස්සේ කළමනාකරණය සහ නියාමනයට ලක් කරනු ඇත. යෝජිත අධිකාරිය මාධ්‍ය ආචාරධර්ම සහතික කිරීම. පැමිණිලි සම්බන්ධයෙන් සහ සිය නිරීක්ෂණ මත විමර්ශන පැවැත්වීම,විකාශනය බලපත‍්‍ර කිකුත් කිරීම, නියාමනයට ලක් කිරීම අදාල ගාස්තු පැනවීම, සුදුසු දණ්ඩන සහ සම්බාධක පැනවීම අධිකාරිය විසින් සහතික කළ යුතුය.
පැමිණිලි සහ නිරීක්ෂණ මත සමථකරණය මැදිහත්කරණය සහ බේරුම්කරණ ක‍්‍රියාවලිය ඔස්සේ විමර්ශන සිදු කරනු ලබයි. බේරුම්කරණ ක‍්‍රියාවලිය 1995 අංක 11 දරන බේරුම්කරණ පනතට අනුකූල වේ. එමෙන්ම අධිකාරිය විසින් දෙනු ලබන ඕනෑම නියෝගයක් අභියාචනාධිකරණයේ අභියාචනා කළ හැකිය.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
