මඩකලපුව සිදුවීමට 4ක් අත්අඩංගුවට

මඩකලපුව පුදූර් ප්‍රදේශයේදී රථ වාහන රාජකාරියේ යෙදී සිටි පොලිස් නිලධාරීන් දෙදෙනෙකුට පහරදී රිවෝල්වර අවියක් හා එම පතරොම් 05ක් පැහැරගෙන යෑමේ සිදුවීම සඳහා සැකකරුවන් 4ක් අත්අඩංගුවට ගත් බව පොලීසිය පවසයි.

ඊයේ (04දා) රාත්‍රියේ මෙම අත්අඩංගුවට ගැනීම සිදුකර තිබේ.

අත්අඩංගුවට පත් සැකකරුවන් වන්නේ  වාසුබාලා නිමලරාජ් නොහොත් නිම්මි (23), රාමයියා ලෙච්චුමනන් (55), සිවසංගර් දූෂාන්දන් (19) හා සිවානන්දරාජා පුරුසෝතමන් (19) යන සැකකරුවන් මෙසේ අත්අඩංගුවට ගෙන තිබේ.

සිද්ධිය සම්බන්ධ අනෙක් පුද්ගලයන් අත්අඩංගුවට ගැනීමට පරීක්ෂණ කරන බවත් පැහැරගන්නා ලද රිවෝල්වර ගිනි අවිය සොයා මඩකලපුව පොලීසිය වැඩිදුර පරීක්ෂණ පවත්වන බවත් පොලීසිය පවසයි.