මේ තමයි අති භයංකරම අවස්ථාව

මෑත ඉතිහාසය තුළත්, කොවිඩ් වසංගතය තුළත් මෙවැනි භයංකර අවස්ථාවක් ශ්‍රී ලංකාවේ ඇතිව නොමැති බව රජයේ වෛද්‍ය නිලධාරීන්ගේ සංගමය පවසයි.

රජයේ වෛද්‍ය නිලධාරින්ගේ සංගමයේ වෛද්‍ය ප්‍රසාද් කොළඹගේ මහතා පෙන්වා දෙන්නේ මේ වන විට ඉදිරිපත් කරන මරණ කොවිඩ් නියුමෝනියාව නිසා සිදුවූ මරණ පමණක් බවයි.

“සෑම දෙනෙක්ම බලාපොරොත්තුවන්නේ මේ අවස්ථාවේදී රට වසන්න, සංචරණ සීමා පනවන්න, කොවිඩ් වසංගතය පාලනය කිරීම සඳහ රජය ගත යුතු පියවර කඩිනම්ව ගත යුතුයි කියලා.

මේ තරම් භයංකර අවස්තාවක් මෑත ඉතිහාසයේ, ඒ වගේම කොවිඩ් වසංගත කාලසීමාව තුළ ඇති වෙලා නෑ. මේ තමයි අති භයංකරම අවස්ථාව.

මේ වන විට ඉදිරිපත් කරන්නේ කොවිඩ් නියුමෝනියාවෙන් සිදුවන මරණ පමණයි. කොවිඩ් එක්ක සිදුවෙලා තියෙන සියලුම මරණ ගත්තොත් මීට වැඩිය ඉහළ යන්න පුළුවන්.

දැනට 200කට ආසන්න සංඛ්‍යාවක් මිය යනවා. අයි.සී.යූ. බෙඩ් එකක් හොයා ගන්න බෑ. රෝහ්වල ධාරිතාව ඉක්මවා යනවා. රෝගීන් බෝහෝමයක් නිවෙස් තුළ ඉන්නවා.

කොවිඩ් වෛරසය හැසිරෙන ආකාරයට අපේ හැසිරීම වෙනස් විය යුතුයි. පළමු කොවිඩ් රැල්ල පාලනය කළ ආකාරයට මෙය හසුරවන්න යනවා. හැබැයි මෙහි හැසිරිම වෙනස් ඒක තේරුම් ගන්න ඕන."