භූගත බංකරයකින් කෝටි 13ක මත්කුඩු

කිඹුලා ඇල ගුණාගේ  සහෝදරයෙක්  වන ඉන්දියාවට පළා ගොස් සිටින  සුරේෂ් නැමැත්තාට අයත් රුපියල් කෝටි  13 කට අධික වටිනා  මත්කුඩු තොගයක් කොළඹ 12 සෙන්ට්‍රල් පාරේ නිවසක භූගත බංකරයක් තුළ සඟවා තිබියදී එම නිවසේ අඹු සැමි යුවල  සමඟ ඊයේ 17 රාත්‍රී  අත්අඩංගුවට ගත් බව පොලිස් විශේෂ කාර්ය බලකායේ කියයි.මත්කුඩු තොගයේ බර කිලෝ13 කට ආසන්න වන බව  පොලීසිය සඳහන් කරයි. රෙදි පිලි  භූගත බංකරේ උඩින් දමා එය පිටතට නොපෙනෙන සේ වසා දමා තිබූ බව පොලීසිය සඳහන් කරයි.නිවසේ මුළුතැන්ගෙයි ලිප අසල මෙම භූගත බංකරය සාදා තිබූ බව පොලිසිය කියයි.අත්අඩංගුවට ගත් සැකකාර අඹුසැමි යුවළ වැඩිදුර විමර්ශන සඳහා  පොලිස් මත්ද්‍රව්‍ය නාශක කාර්යාංශය වෙත භාරදී ඇත.

බණ්ඩාරගම බිමල් ශ්‍යාමන් ජයසිංහ