බැසිල් - දුමින්ද හමුවක්

ශ්‍රී ලංකා පොදුජන පෙරමුණේ නිර්මාතෘ බැසිල් රාජපක්ෂ මහතා සහ ශ්‍රී ලංකා නිදහස් පක්ෂයේ ජාතික සංවිධායක පාර්ලිමේන්තු මන්ත්‍රි දුමින්ද දිසානායක මහතා අතර විශේෂ සාකච්ඡාවක් කොළඹදී අද (31දා) පෙරවරුවේ පවත්වා ඇතැයි දේශපාලන ආරංචි මාර්ග පවසයි.

පැය දෙකකට ආසන්න කාලයක් පැවති මෙම  හමුවේදී පවතින දේශපාලන තත්ත්වය සම්බන්ධව දීර්ඝව සාකච්ඡා කරඇතැයිද වාර්තා වෙයි.

දුමින්ද දිසානායක මහතා මෙම සාකච්ඡාවට සම්බන්ධ කර ගැනීමට බැසිල් රාජපක්ෂ මහතාට දැඩි පරිශ්‍රමයක් දැරීමට සිදුවූ බවද දැනගන්නට ලැබේ.