බන්ධනාගාරයේ සිට මෙහෙයවන තවත් මත්කුඩු ජාවාරමක්

විශේෂ කාර්ය බළකාය අද දිනයේ වැලිකඩ, රාජගිරියේදී සිදුකරන ලද පරීක්ෂාවකදී හොරොයින් මත්කුඩු ග්‍රෑම් 300ක් ප්‍රවාහනය කරමින් සිටි සැකකරුවන් දෙදෙනෙක් අත්අඩංගුවට ගත් බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පැවැසීය.

ඔවුන් ගමන් කළ වැගන් ආර් මෝටර් රථයද පොලිස් භාරයට ගෙන තිබේ. එසේම ඔවුන් සන්තකයේ තිබී සොයාගෙන තිබේ.

සැකකරුවන් හා මෝටර් රථය මත්ද්‍රව්‍ය සමග වැලිකඩ පොලීසියට රැගෙන විත් ඇති අතර වැලිකඩ පොලීසිය වැඩිදුර පරීක්ෂණ කරනවා.

සැකකරුවන් අධිකරණයට ඉදිරිපත් කර රැඳවුම් නියෝග ලබා ගැනීමට පොලීසිය අපේක්ෂා කරයි. දැනට බන්ධනාගාරගතව සිටින සැකකරුවෙකු විසින් මෙම මත්ද්‍රව්‍ය ජාවාරම මෙහෙයවා ඇති බවට තොරතුරු ඇතැයිද මාධ්‍ය ප්‍රකාශකවරයා වැඩිදුරටත් පැවැසීය.