බන්ධනාගාර රැඳවියන්ගේ නඩු කටයුතු විඩියෝ තාක්ෂණයෙන් කිරිමට පියවර

පවතින කොරෝනා වෛරස තත්ත්වය මත රක්ෂිත බන්ධනාගාරයේ සිටින රැඳවියන්ගේ රක්ෂිත කාලය දීර්ඝ කිරීම ඔවුන් අධිකරණය වෙත නොකැඳවා විඩීයෝ තාක්ෂණයෙන් සිදුකරන ලෙස උපදෙස් දි තිබේ.

පොලිස් ඇප දීම් සම්බන්ධයෙන් ඇති ප්‍රතිපාදන හැකිතාක් ක්‍රියාත්මක කළ යුතු අතර ඒ සඳහා මහේස්ත්‍රාත්වරු අදාළ පොලිස් බල ප්‍රදේශයේ පොලීසිය සමග නිසි සම්බන්ධීකරණයක් පවත්වා ගත යුතුය.

ජනතාව ඒකරාශීවීම් හැකිතාක් අඩු කරමින් කොරෝනා වෛරසය පැතිර යාම වැළැක්වීම ඉලක්ක කරගෙන අධිකරණ සේවා කොමිෂන් සභාව චක්‍රෙල්ඛය නිකුත් කර තිබේ.