පාසල් ප්‍රවාහන රථවල රියදුරන් සහ සහායකයින් අහඹු ඇන්ටිජන් පරීක්ෂණ

පාසල් විවෘතවීමෙන් පසුව ළමුන් ප්‍රවාහනයේදී සෞඛ්‍ය ක්‍රියාමාර්ග අනුව කටයුතු කරන්නේදැයි රථවාහන පොලිස් නිලධාරීන් විමසිල්ලෙන් පසුවන බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.

ඒ අනුව හෙට (25) සිට පාසල් ප්‍රවාහන රථවල රියදුරන් හා සහායකයන්ට ද අහඹු ලෙස රැපිඩ් ඇන්ටිජන් පරීක්ෂණ සිදු කිරීමට තීරණය කරඇති බවද නියෝජ්‍ය පොලිස්පති අජිත් රෝහණ මහතා පැවසීය.

මේ අතර ඊයේ (23) දින මුඛ ආවරණ නොපැළඳ සිටි පුද්ගයින් 09 දෙනෙකු පොලීසිය විසින් අත්අඩංගුවට ගෙන තිබේ.

ඔක්තෝබර් 30 වනදා සිට මේ දක්වා 2734 දෙනෙකු ඒ සම්බන්ධයෙන් අත්අඩංගුවටගෙන ඇති අතර 2600කට නඩු පවරා තිබේ.