පාලකයින්ට ජිවන වියදම ගැන අවබෝධයක් නෑ - සජිත්

රටේ පාලකයින්ට රටේ ජිවන වියදම ඉහළයාම පිළිබදව කිසිදු අවබෝධයක් නොමැති බව ජාතික සමගි ජනබලවේගයේ නායක සහ කොළඹ දිස්ත්‍රික් අපේක්ෂක සජිත් ප්‍රේමදාස මහතා පැවසිය.

සජිත් ප්‍රේමදාස මහතා එ බැව් කියාසිටියේ සමගි ජනබලවේගයේ ජයග්‍රහණය තහවුරු කිරිම සදහා නාවලපිටිය පෞද්ගලික ශාලාවක පැවති මැතිවරණ ප්‍රචාරක රැස්විමට එක්වෙමිණි.

මෙහිදි වැඩිදුරටත් අදහස් දැක්වු සජිත් ප්‍රේමදාස මහතා ,

වතු ක්ෂෙත්‍රයේ ජනතාව ඉතාමත් දුක්ඛිත ජිවිතයක් ගත කරන්නේ, සමගි ජන බලවේග රජයක් තුළ  ඔවුන්ට අපේ යුතුකම් ඉෂ්ඨ  කරනවා. වතුකරයේ ජනතාව හැමවේලාවෙම හිටියේ අප සමග.  පසුගිය ජනාධිපතිවරණයේදි අපිට විශාල ජන්ද ප්‍රමාණයක් ලබා දුන්නා.

අපි පොරොන්දු වුණා වතු කම්කරුවෙකුට දිනකට දිරි දිමනා ඇතුළුව රු එක්දහස් පන්සියක් ලබා දෙන්න. වත්මන් රජය වතු කම්කරුවන්ට රු දහසේ වැටුප ලබා දෙන්න ඕනි. වැටුප ලැබුණද? අපි වතු ජනතාවට රු එක්දහස් පන්සියේ වැටුප ලබා දෙනවා .

වත්මන් රජය සමෘද්ධි ලාභින්ගේ වරප්‍රසාද කප්පාදු කරන්න කටයුතු කරනවා . සමෘද්ධි ලාභින් දහසය ලක්ෂයට සමෘද්ධි මුද්දරය ලබා දිලා නැ. මැයි මාසයේ ලබා දුන් සහනාධාරය සමෘද්ධිලාභින් පවුල් වලින් අය කරන්න මේ රජය කටයුතු කරනවා.

මැයි මාසයේ සහ අප්‍රේල් මාසයේ සමෘද්ධිලාභින්ට රු පන්දහසේ දිමනා දෙකක් දුන්නා. දැන් එවායින් පන්දහසක් ආපසු අය කර ගන්න යනවා. සමෘද්ධි ලාභියට ලැබිය යුතු මුදල් ආපසු අපි ලබා දෙනවා. සමෘද්ධිලාභින් ආරක්ෂා වෙන්නේ ජාතික සමගි ජන බලවේගයෙන් පමණයි.

රටේ ආර්ථික ගැටලුවක මුහුණ දිලා අහස උසට ජිවන වියදම, පාලකයින්ට මේ බඩු මිල ගැන තේරෙන්නේ නැ. මොකද ආහාර පාන වලට ඒ අයට වියදමක් නැ . ආණ්ඩුව සප්පායම් වෙන්නේ මේ රටේ ජනතාවගේ බදු මුදල් වලින්.

අද ආණ්ඩුව නන්නත්තාර වෙලා තියෙන්නේ. අපිට කිව්වේ කොරොනාව පරාජය කරපු ආණ්ඩුව කියලා . එහෙනම් මොකක්ද මේ දෙවනි රැල්ල? එතකොට කොහොමද මේ රජය කියන්නේ කොරොනාව පරාජය කරා කියලා.

මම පාර්ලිමේන්තුවේදි මේ කොරොනා අවධානම ගැන කතා කලා . එතකොට අපිට කිව්වේ චිනය තරහා කරගෙන බැ කියලා.

අපි කිව්වා හොදම මුව ආවරණ බෙදා හරින්න කියලා. අපිට කිව්වේ මුව ආවරණ වලින් වැඩක් නැ කියලා .

ආණ්ඩුවයි , මහ බැංකු කල්ලියයි දෙගොල්ලොම රටේ ජනතාවගේ මුදල් වලින් සප්පායම් වෙන අය. යමෙකුට දෙයක් දෙනවා කිව්වම එ අය කියන්නේ අපෝ ඕවට සල්ලි නැ කියලා.

එ වුනා තමන්ට කොමිස් ගහන්න . වංචා කරන්න , අමු අමුවේ මහ දවල් මහ බැංකුව මංකොල්ල කන්න ඒවා පුළුවන්. මහ ජනතාවට බොරු කරපු ආණ්ඩුව සිල වන්තයෝ වගේ අහනවා කොහොමද විසිදහස දෙන්නේ කියලා.

ආණ්ඩුවට කොන්දක් නැ කියපු දේවල් කරන්න. යුනිසෙෆ් එකෙන් කියනවා අපේ රටේ 30% කට ආහාර පාන නැ කියලා. මොකක්ද ආණ්ඩුව අරන් තියෙන ක්‍රියාමාර්ගය? ආණ්ඩුව සුදානම් වෙනවලු රාජ්‍ය සේවකයින්ගේ වැටුප් කපන්න . රාජ්‍යය සේවකයින් ගෙදර යවන්න. ඒවා කරන්න වෙන්නේ නැ. අපි මහ මැතිවරණයෙන් මුළු රටම දිනනවා.