පූර්ව කොවිඩ් අවධිය 2022 තෙක් නැවත එන්නේ නැතිලු

පූර්ව-කොවිඩ් ජීවිතයට නැවත පැමිණීම ගැන ලෝකයට සිතීමට පටන් ගැනීම 2022 වන තෙක් නොවිය හැකි බව ජිනීවාහි ලෝක සෞඛ්‍ය සංවිධානයේ ප්‍රධාන විද්‍යාඥ වෛද්‍ය සෞම්‍යා ස්වාමිනාදන් අවධාරණය කරයි.

"අපි අවම වශයෙන් 2022 දෙස බලන්නේ ප්‍රමාණවත් පුද්ගලයින් පිරිසක් වෙත ප්‍රතිශක්තිය ගොඩනැගීම සඳහා එන්නත ලබා ගැනීමට පෙරයි. එබැවින් ඉදිරි කාලය සඳහා භෞතික දුරස්ථභාවය, මුඛ ආවරණ පැලඳීම සමග දැනට ක්‍රියාත්මක වෙමින් පවතින ක්‍රියාමාර්ග අප විසින්ම පවත්වා ගත යුතුයි." එක්සත් ජාතීන්ගේ පදනම විසින් පවත්වන ලද අතථ්‍ය රැස්වීමකදී මාධ්‍යවේදීන් අමතමින් ස්වාමිනාදන් පැවසීය.