ප්‍රභල මත්දුව්‍ය ජාවාරම් කරුවන් දෙදෙනකු කොටු

ජා-ඇල ප්‍රසංග පෙරේරා/ කදාණ රුක්මන්

පෑලියගොඩ ප්‍රදේශයේ ප්‍රබල මත් ද්‍රව්‍ය ජාවාරම් කරුවකුගේ මහභාගේ ඇලපිටිවල පිහිටි ආරක්ෂිත නිවසක් වැටලූ මහභාගේ පොලිස් ස්ථානයේ නිලධාරීන් හෙරෝයින් තොගයක් සමඟ සැකකරුවන් දෙදෙනෙකු හා ත්‍රිරෝද රථයක් අත් අඩංගුවට ගෙන තිබේ.

අද 29 දා මෙම වැටලීම සිදු කර තිබිණි. ඇලපිටිවල විශාඛා ප්‍රදේශයේ කුලී පදනම මත ලබා ගත් දෙමහල් නිවසක සිට මෙහෙයවන ලද ජාවාරම සම්බන්ධයෙන් බස්නාහිර පලාත් බුද්ධි විශේෂ කාර්යංශ හා කොට්ඨාශ බුද්ධි ඒකකය තොරතුරු අනාවරණය කර ගැනීමෙන් අනතුරුව මෙම වැටලීම සිදුකළ බව පොලීසිය පවසයි.

ආරක්ෂිත නිවසේ සිට ත්‍රීරෝද රථයකින් හෙරෝයින් ප්‍රවාහන කරමින් සිටියදී එහි සගවා තිබූ හෙරොයින් ග්රෑම් 18 මිලි ග්‍රෑම් 480 ක් සහිත පැකට් 200ක් සොයා ගෙන තිබිණි. පසුව ආදාල ආරක්ෂිත නිවස පරීක්ෂා කර එහි තිබූ හෙරොයින් ග්රෑම් 2 මිලිග්රෑම් 380ක් මුදල් රුපියල් 14000/; ක් සමග සැකකරුවකු අත් අඩගුවට ගෙන තිබිණි.