පුත්තලම, හලාවත,කොච්චිකඩේ, වත්තල, ජා ඇල ඇඳිරි නීතිය පෙරවරු9ට ඉවත් කරයි

පුත්තලම කොට්ඨාසයේ පුත්තලම, ආණමඩුව, කල්පිටිය, කරුවලගස්වැව, මුන්දලම, නවගත්තේගම, පල්ලම, වනාතවිල්ලුව, උඩප්පුව, නොරොච්චෝලේ, සාලියවැව යන පොලිස් වසම්වලටත් හලාවත පොලිස් කොට්ඨාසයේ හලාවත, දන්කොටුව, කොස්වත්ත, මාදම්පේ, මාරවිල, වෙන්නප්පුව, ආරච්චිකට්ටුව යන පොලිස්වසම් වලටත්, මීගමුව පොලිස් කොට්ඨාසයේ කොච්චිකඩේ පොලිස් වසමටත්, ජා ඇල හා වත්තල පොලිස් වසම්වලටත් බලපැවැත්වෙන පරිදි පනවා තිබූ ඇඳිරි නීතිය අද පෙරවරු 9.00ට ඉවත් කරන බව පොලීසිය පවසයි.

ඉන් අනතුරුව නැවතත් එම ප්‍රදේශවලට අද දහවල් 12.00ට නැවත දැනුම්දෙන තුරු ක්‍රියාත්මක බවත් පොලීසිය පවසයි.

එම ප්‍ර දේශව හරහා ගමන් ගන්නා පොදු ප්‍රවාහන සේවා හා අත්‍යාවශ්‍ය සේවා කටයුතු කිරිමට අවස්ථාව තිබේ.