පිටකොටුව බහුවිධ ප්‍රවාහන මධ්‍යස්ථාන ව්‍යාපෘතියට කැබ්නට් අනුමැතිය
පිටකොටුව බහුවිධ ප්‍රවාහන මධ්‍යස්ථාන ව්‍යාපෘතිය ක්‍රියාත්මක කිරීම සඳහා පහසුකම් සලසන කාර්ය බළකාය කමිටුවක් පත්කිරීමට කැබිනට් අනුමැතිය ලැබී තිබේ.
එම ව්‍යාපෘතිය අවසන් කිරීම සඳහා විසඳාගත යුතු සංකීර්ණ ගැටලු කිහිපයක් විසඳා ගැනීම වෙනුවෙන් මෙම කාර්ය බළකාය පිහිටුවා ඇත.
මෙම ව්‍යාපෘතිය ක්‍රියාත්මක කිරීම් කටයුතු භාරගැනීම සඳහා සුදුසු ආයෝජකයන් වෙනුවෙන් කැමැත්ත අභිලාෂ ප්‍රකාශ කිරීම් කැඳවීම පිණිස අමාත්‍ය මණ්ඩලයේ අනුමැතියද ලැබී තිබේ.
ඒ අනුව ව්‍යාපෘතියේ තාක්‍ෂණික හා මූල්‍ය ශක්‍යතා අධ්‍යයනය හා ක්‍රියාත්මක කිරීමේ උපායමාර්ගය අවසන් කිරීමට හා එකී ගැටලු සඳහා මැදිහත්වී තීරණ ගැනීමට කාර්ය බළකාය ලෙස කටයුතු කිරීමට ප්‍රධාන කමිටුවක් පත්කර ඇත.
එම කමිටුව පත්කිරීම සඳහා බස්නාහිර හා මහානගර සංවර්ධන අමාත්‍ය පාඨලී චම්පික රණවක මහතා ඉදිරිපත් කළ කැබිනට් පත්‍රිකාවට අමාත්‍ය මණ්ඩලයේ අනුමැතිය ලැබී තිබේ.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
