නව කොරෝනා වෛරසයට බියෙන් බැට්මෑනුත් සැඟවිලා

'ද බැට්මෑන්' නවතම චිත්‍රපටයේ නිෂ්පාදන කටයුතුවලට සම්බන්ධ වූ පුද්ගලයෙකු කොවිඩ්-19 සඳහා ධනාත්මක බව පරීක්‍ෂා කර තිබීම හේතුවෙන්, එක්සත් රාජධානියේදී සිදුවූ එහි රූගත කිරීම් තාවකාලිකව අත්හිටුවා ඇති බව වෝනර් බ්‍රදර්ස් සමාගම පවසයි.

නව කොරෝනා වෛරස වසංගතය හේතුවෙන් මාස හයකට ආසන්න කාලයකට පසුව, දින කිහිපයකට පෙර නැවත රූගත කිරීම් ආරම්භ කළ අධ්‍යක්ෂ මැට් රීව්ස්ගේ නවතම චිත්‍රපටයේ බැට්මෑන්ගේ චරිතය නිරූපණය කරන රොබට් පැටින්සන්ද මේ හේතුවෙන් රූගත කිරීම්වලින් තාවකාලිකව ඉවත්ව තිබේ.