නැති බැරි-ඇති හැකි පරතරය කොවිඩ්-19 නිසා පුළුල් වෙලා

කොවිඩ්-19 වසංගතය ධනවත් හා දුප්පතුන්, පිරිමි ළමයින් හා ගැහැණු ළමයින් අතර පරතරය පුළුල් කර ඇති බව සේව් ද චිල්ඩ්රන් විසින් කරන ලද නවතම ගෝලීය සමීක්ෂණයකින් අනාවරණය වෙයි.

වසංගතය ප්‍රකාශයට පත් වූ මාස හය තුළ, වඩාත් අවදානමට ලක්විය හැකි දරුවන්ට අධ්‍යාපනය, සෞඛ්‍ය සේවා සහ ආහාර සඳහා ඇති ප්‍රවේශය අසමාන ලෙස මගහැරී ඇති අතර, ඉතා දරුණු ලෙස ආරක්ෂණ අවදානම්වලට මුහුණ දී ඇති බව එම සංවිධානය පෙන්වා දෙයි.

රටවල් 37ක ළමයින් 25,000කගේ සහ ඔවුන්ගේ රැකබලා ගන්නන්ගේ අත්දැකීම් මත පදනම් වූ මෙම සමීක්ෂණයෙන් අනාවරණය වූ කරුණු කිහිපයක් මෙසේ ගෙනහැර දක්වයි.

ළමයින්ගෙන් තුනෙන් දෙකකට ගුරුවරුන් සමග කිසිදු සම්බන්ධයක් නොතිබූ අතර, දහයෙන් අටක් විශ්වාස කළේ පාසල් වසා දැමූදා සිට ඔවුන් කිසිවක් ඉගෙනගෙන නැති බවය.

වසංගතය හේතුවෙන් ආදායමෙන් අඩකට වඩා අහිමි වූ කුටුම්භයන්ගෙන් 93%ක් පමණ සෞඛ්‍ය සේවාවන්ට ප්‍රවේශවීමේ දුෂ්කරතා වාර්තා කර ඇත.

පාසල් වසා දැමූ විට ගෘහස්ත හිංසනය දෙගුණයක් වී තිබේ.