දළදා පෙරහර ආරම්භයේදී ජනපතිගේ පැතුම

ශ්‍රී ලංකාවේ සංස්කෘතික උත්සව අතරින් ප්‍රධානතම උත්සවයක් වන මහනුවර ඇසළ පෙරහර අද (13දා) පැවැත්වෙන පළමු කුඹල් පෙරහරින් ආරම්භ වෙයි.

පළමු කුඹල් පෙරහර ආරම්භ කිරීමත් සමග ජනපති ගෝඨාභය රාජපක්ෂ මහතා සිය ට්විටර් ගිණුමෙන් ප්‍රකාශයක් කර තිබුණි.

එහි දැක්වෙන්නේ , “අද රාත්‍රියේ ප්‍රථම කුඹල් පෙරහැර වීදි සංචාරය කිරීමත් සමඟම සෙංකඩගල ඇසළ පෙරහැර ආරම්භය සනිටුහන් වේ. ශ්‍රී ලාංකික බෞද්ධයාගේ මුදුන් මල්කඩ වන්නාවූ උතුම් දළදා වහන්සේගේ ආනුභාවයෙන් මුළුමහත් ලෝකවාසී ජනතාව ම ව්‍යසනයෙන් ආරක්ෂා වේවා යි මම පතමි.” යනුවෙනි.