දින දහයට බණ්ඩාරගම කොරෝනා රෝගීන් 169ක්

බණ්ඩාරගම සෞඛ්‍ය වෛද්‍ය නිලධාරී බල ප්‍රදේශයෙන් අද  දින වනවිට කොරෝනා ආසාදිත රෝගීන් 169කු  වාර්තා වී ඇති බව බණ්ඩාරගම සෞඛ්‍ය වෛද්‍ය නිලධාරී වෛද්‍ය නිමේෂා  රත්නවීර මහත්මිය පැවසුවාය

එම රෝගීන් ප්‍රමාණය ඉකුත් 19 වැනි දා දින සිට  දින 10 ක් තුළ දී පි සි ආර් පරීක්ෂණ 362කින් වාර්තා වූ රෝගීන් බව වෛද්‍යවරිය කීය

වැඩිම රෝගීන් පිරිසක් වාර්තා වී ඇත්තේ  බන්ඩාරගම නැගෙනහිර  ග්‍රාම සේවා වසමෙන්ය, එම රෝගීන් සංඛ්‍යාව 16කි.

බණ්ඩාරගම රාජ්‍ය බැංකුවක් සහ  ඖෂධ අලෙවි සැලකින්  රෝගීන් ද වාර්තා වී ඇති අතර එම ආයතන දෙක මේ වන විට  තාවකාලික වසා  එහි සේවක සේවිකාවන්  පි සි ආර් පරීක්ෂණ සඳහා  යොමු කර ඇත.

අනවශ්‍ය ගමන්බිමන් වලින් වැළකී සංසරණ සීමා සීමා කර හැකිතාක් දුරට  සෞඛ්‍ය උපදෙස් පිළිපදින ලෙස  වෛද්‍යතුමිය බණ්ඩාරගම ජනතාවගෙන් ඉල්ලා සිටී