දකුණු පළාත් ආණ්ඩුකාරගෙන් තංගල්ල නගරාධිපතිට නියෝගයක්

තංගල්ල නගර සභාවේ සභාපතිවරයා 2021 වර්ෂයට අදාළ අයවැය ලේඛණය ඉදිරිපත් කිරිමේදී නගරසභා අඥාපනත හා උප නීති උල්ලංඝණය කොට ඇති බවට අනාවරණය වී ඇති හෙයින් අයවැය  ලේඛනය  නැවත වතාවක් සභාව වෙත ඉදිරිපත්කොට සම්මත කරගන්නා ලෙස තංගල්ල නගර සභාවේ සභාපතිවරයාට දකුණු පළාත් ආණ්ඩුකාරවර ආචාර්ය විලිගමගේ මහතා විසින්  නියෝග කොට තිබේ.

සභාපතිවරයා විසින් ආණ්ඩුකාරවරයාගේ නියෝගය  අනුව කටයුතු නොකළහොත් පළාත් පාලන පනතේ 184 වගන්තිය  අනුව  විනයානුකුලව කටයුතු කිරිමට කටයුතු කරන බවද ආණ්ඩුකාරවරයා  විසින්  සභාපතිවරයාට  ලිඛිතව දන්වා ඇත.

තංගල්ල නගර සභාපති රවිදු දිල්ෂාන්වෙදආරච්චි මහතා විසින් 2021 වර්ෂය සදහා  ඉදිරිපත් කළ අයවැය ලේඛනය සදහා  මන්ත්‍රිවරුන්ගේ ඉල්ලිම පරිදි  ඡන්දවිමසිමක් ලබානොදිම පිළිබද ආණුඩුකාරවරයාට ලැබුණු   පැමිණිල්ලකට අනුව මේ පිළිබද මුලිකවිමර්ශනයක් කොට මෙම නියෝගය නිකුත් කොට ඇත.