දකුණේ පාසල් 06ක් හෙට විවෘත නොවේ

දකුණු පළාතේ  හෙට (11) පාසල් 06ක් ආරම්භ නොකරණ බැව් දකුණු පළාත් අධ්‍යාපන අමාත්‍යංශයේ ලේකම් රංජිත් යාපා මහතා පවසයි.

දැනට හුදකලාකොට ඇති ගාල්ල දිස්ත්‍රික්කයේ තුන්දුව  හා මාතර දිස්ත්‍රික්කයේ දික්වැල්ල   යෝනකපුර  යන ප්‍රදේශවල  සහ  ඒ ආසන්නයේ පිහිටි පාසල්  06  විවෘත නොකරණ බවද ඒ මහතා පවසයි.

ඒ  අනුව ගාල්ල දිස්ත්‍රික්කයේ පිහිටි තුන්දුව මුස්ලිම් විද්‍යාලය, ජේ.ඩි ධර්මසේන විද්‍යාලය මාතර දිස්ත්‍රික්කයේ පිහිටි  යෝනකපුර මිල්හාර ජාතික පාසල දික්වැල්ල කුමාරතුංග මුනිදාස පාසල, වැලිගම අරිපා ජාතික පාසල වැලිගම මුස්ලිම් විද්‍යාලය  හෙට (11) දින විවෘත නොකිරිමට කටයුතු කරණ බවද ඒ මහතා පවසයි.

දකුණු පළාතේ සෙසු පාසල් සුපරුදු පරිදි සෞඛ්‍ය නිර්දේශ අනුව   හෙට දින විවෘත කරණ බවත් දිනපතා සෞඛ්‍ය තත්වය පිළිබද සමාලෝචනය කරණ බවද  පළාත් අධ්‍යාපන අමාත්‍යංශයේ ලේකම්වරයා පවසයි. දකුණු පළාතේ පළාත් සභා පාසල් 1045ක් හා ජාතික පාසල් 67ක්  තිබේ.