ඩෙවොන් දිය ඇල්ලෙන් පහලට වැටි තරුණියක් අතුරුදහන්

ඩෙවොන් දිය ඇල්ලෙන් පහලට වැටි අවු 19 තරුණියක් අතුරුදහන් වි ඇති බව දිඹුල පොලිසිය පැවසිය.

මෙසේ අතුරුදහන් වි ඇත්තේ ලිදුල පොලිස් වසමට අයත් සෙන් තොමස් ලිදුල ප්‍රදේශයේ පදිංචි ඒ.පවිත්‍රා නැමති තරුණියකි.

අතුරුදහන් වි ඇති තරුණිය ඇයගේ යෙහෙලියන් දෙදෙනෙකු සමග දිය ඇල්ල නැරඹිමට (18) දින පැමිණ පස්වරු 1ට පමණ දිය ඇල්ලට ජලය ගලා බසින බොවොන් ඇළට බැස පය සේදිමට උත්සහ කිරිමේදි අතුරුදහන් වු තරුණිය ජල පහරට හසු වි ගසාගෙන ගොස් ඇති බවට ඇයගේ යෙහෙලියන් දෙදෙනා විසින් පොලිසියට ප්‍රකාශයක් ලබාදි ඇති බවයි දිඹුල පොලිසිය කියා සිටියේ.

ඩෙවොන් දිය ඇල්ලට ඉහලින් වු ඩෙවොන් ඇළේ ගල් තලාව මේ දිනවල ප්‍රදේශයේ පවතින අධික වර්ෂාවත් සමග ලිස්සන සුළු බවත් එම තරුණියන් තිදෙනා ඩෙවොන් ඇළට බැස ඇත්තේ ඩෙවොන් ඇළට පිවිසම වැලැක්විම සදහා ඉදි කර තිබෙන කටු කම්බි වැටක්ද පසු කරමින් බවයි දිඹුල පොලිසිය කියා සිටියේ.

අතුරුදහන් වු තරුණිය අඩි 297 උස ඇති ඩෙවොන් දිය ඇල්ලෙන් පහලට වැටෙන්නට ඇති බවට පොලිසිය සැකකරයි.

අතුරුදහන් වු තරුණිය සොයා දිඹුල පොලිසිය මේ වන විට විමර්ෂණයක් ආරම්භ කර ඇත.