ඩෙල්ටා වෛරසය රට තුළ ව්‍යාප්තව පැවතිම දැඩි අවදානම්
මාරාන්තික ‘ඩෙල්ටා’ වැනි සැර විකෘති කොවිඞ් ප‍්‍රභේදය රට තුළ ව්‍යාප්තව පැවතීම දැඩි අවදානම් සහිත තත්ත්වයක් බව රජයේ වෛද්‍ය නිලධාරීන්ගේ සංගමය අවධාරණය කරයි.
එන්නතකට ඔරොත්තු නොදෙන විකෘති කොවිඞ් ප‍්‍රභේද හමුවී ඇති නිසා එන්නත්කරණය පිළිබඳව පමණක් විශ්වාසය තබා කටයුතු කිරීම අනුවණ කි‍්‍රයාවක් බව එම සංගමයේ සහකාර ලේකම්, වෛද්‍ය නවින් ද සොයිසා මහතා සඳහන් කළේය.
මෙරට තුළ මේ වන විට පවත්වාගෙන යන සංචරණ සීමා මේ ආකාරයෙන්ම පවත්වාගෙන යනවා දැයි පවතින තත්ත්වය විශ්ලේෂණය කර තීරණයක් ගැනීමට රජය කි‍්‍රයාකළ යුතු බවද ඔහු පැවසීය.
රට පුරා සැලකිය යුතු පිරිසකට කුමන හෝ එන්නතක් ලබා දුන්නද නිසි සෞඛ්‍ය මාර්ගෝපදේශයන්ගෙන් මිදී කටයුතු කළහොත් නැවත විශාල ‘කොවිඞ් පොකුරු’ මතුවීමේ අවදානමක් පවතින බවද සඳහන් කළ වෛදවරයා මේ පිළිබඳව සෞඛ්‍ය අංශ ජනතාව සහ රජය ද නිරන්තරයෙන් අවධානයෙන් පසුවිය යුතු බවද කියා සිටියේය.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
