ජපාන ඔලිම්පික් තරගාවලියත් කල් දමයිද?

ටෝකියෝ - කොවිඩ් 19 වසංගතය හේතුවෙන්  ජපානයේ පැවැත්වීමට ඔලිම්පික් උළෙල මේ ගිම්හානයේදී ටෝකියෝ හි පැවැත්විය නොහැකි නම්, වසරක් හෝ දෙකක් කල් දැමීමක් වඩාත් යථාර්ථවාදී විකල්පය වනු ඇතැයි ටෝකියෝ ඔලිම්පික් කමිටුවේ විධායක මණ්ඩල සාමාජිකයෙක් වෝල් ස්ට්‍රීට් ජර්නලයට පවසා තිබේ.

ජපාන සංවිධායක කමිටුවේ සාමාජිකයින් 25 දෙනෙකුගෙන් එක් අයෙකු වන හරුයුකි තකහාෂි සම්මුඛ සාකච්ඡාවකට එක්වෙමින් කියා සිටියේ වසංගතය පැතිරීමට පෙර දෙසැම්බර් මාසයේදී අවසන් වරට හමුවූ ඔලිම්පික් උළෙල සංවිධායක කමිටුව වෛරසය බලපාන ආකාරය පිළිබඳව සාකච්ඡා කර නොමැති බවයි.

ඔලිම්පික් උළෙල අවලංගු කිරීමෙන් හෝ ප්‍රේක්ෂකයින් නොමැතිව එය පැවැත්වීමෙන් ඇති වන මූල්‍යමය හානිය ඉතා විශාල වනු ඇති බව තකහාෂි පැවසීය.

වසරකට අඩු කාලයක් ප්‍රමාද වීම අනෙකුත් ප්‍රධාන වෘත්තීය ක්‍රීඩා කාලසටහන් සමඟ ගැටෙනු ඇතැයි පුවත්පත වාර්තා කරයි.

විශේෂඥයින් පවසන්නේ ලබන වසරේ එම කාලයට වසරක් කල් දැමීම සැපයුම් ගැටළු ඇති කළ හැකි නමුත් එය සාමාන්‍යයෙන් විවෘත ගිම්හාන කාලසටහනට ගැලපෙන බැවින් එය විකාශකයින්ට කළ හැකි බවය.

ජපානයෙන් මේ වන විට කොවිඩ් ආසාදිත රෝගීන් 1,300 කට ආසන්න සංඛ්‍යාවක් වාර්තා වී තිබේ.ටෝකියෝ ඔලිම්පික් තරගාවලිය 2020 ජූලි 24 වනදා ආරම්භ වීමට නියමිතව තිබේ.