ජාතික උරුම නිශ්චිතව තීරණය කිරීමේ හා හඳුනාගැනීමේ කමිටු වාර්තාව අගමැතිට
ශ්‍රී ලංකාවේ ජාතික උරුම නිශ්චිතව තීරණය කිරීම හා හඳුනාගැනීමට සුදුසු ක්‍රමවේදයක් ඉදිරිපත් කිරීමේ අතුරු වාර්තාව කමිටු සාමාජිකයන් විසින් විජේරාම පිහිටි නිල නිවසේදී අග්‍රාමාත්‍ය මහින්ද රාජපක්ෂ මහතාට භාරදෙන ලදි.
මෙම අතුරු වාර්තාව අනුව ඉදිරිපත් කරන යෝජිත ක්‍රමවේදය මහජන අදහස් ලබා ගැනීම සඳහා ලබන 08 වැනිදා පුවත්පත්වල ප්‍රසිද්ධ කිරීමට නියමිතය.
ජාතික උරුම, ප්‍රාසංග කලා හා ග්‍රාමීය කලා ශිල්පි ප්‍රවර්ධන කටයුතු රාජ්‍ය අමාත්‍ය විදුර වික්‍රමනායක මහතාගේ ඉල්ලීම පරිදි බුද්ධශාසන, ආගමික හා සංස්කෘතික කටයුතු අමාත්‍යවරයා ලෙස අග්‍රාමාත්‍යවරයා ශ්‍රී ලංකාවේ ජාතික උරුම නිශ්චිතව තීරණය කිරීම හා හඳුනාගැනීමට සුදුසු ක්‍රමවේදයක් ඉදිරිපත් කිරීම සඳහා කැබිනට් අනුමැතිය ලබා ගත්තේය.
ඒ අනුව ජාතික උරුම නිශ්චිතව තීරණය කිරීම හා හඳුනාගැනීමට සුදුසු ක්‍රමවේදයක් සකස් කිරීම සඳහා ප්‍රවීණයන් 16 දෙනෙකුගෙන් සමන්විත විද්වත් කමිටුවක් පත්කෙරිණි.
අදාළ කමිටුව මහාචාර්ය ඉඳුරාගාරේ ධම්මරතන හිමි, මහාචාර්ය මාලනී ඇදගම, මහාචාර්ය රෝහණ පී. මහාලියනආරච්චි, ජ්‍යෙෂ්ඨ මහාචාර්ය රාජ් සෝමදේව, මහාචාර්ය යසාංජලී ජයතිලක, මහාචාර්ය මුදියන්සේ දිසානායක, ආචාර්ය මංගල කටුගම්පොළ, ආචාර්ය ජානකී ජයවර්ධන, ආචාර්ය ටී.සනතානන්, ජ්‍යෙෂ්ඨ කථිකාචාර්ය එම්.ඒ.එම්. යසීර්, ජනශ්‍රැති විචාරක මහින්ද කුමාර දළුපොත, ජාතික උරුම, ප්‍රාසංග කලා හා ග්‍රාමීය කලා ශිල්පි ප්‍රවර්ධන කටයුතු අමාත්‍යංශයේ ලේකම්, පුරාවිද්‍යා, ජාතික ලේඛනාරක්ෂක, කෞතුකාගාර දෙපාර්තමේන්තුවල අධ්‍යක්ෂ ජනරාල්වරුන් හා සංස්කෘතික කටයුතු දෙපාර්තමේන්තුවේ අධ්‍යක්ෂවරයාගෙන් සමන්විත වේ.
මෙම අතුරු වාර්තාව භාරදීමේ අවස්ථාවට ජාතික උරුම, ප්‍රාසංග කලා හා ග්‍රාමීය කලා ශිල්පි ප්‍රවර්ධන කටයුතු රාජ්‍ය අමාත්‍ය විදුර වික්‍රමනායක මහතා ඇතුළු කමිටු සමාජිකයන් සහ අග්‍රාමාත්‍ය ලේකම් ගාමිණි සෙනරත් මහතා ඇතුළු රාජ්‍ය නිලධාරීන් පිරිසක් එක්ව සිටියහ.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
