ජාතික ආරක්ෂාව ජාතියක මූලික කොන්දේසියක් - චීන තානාපති කාර්යාලය

චීනයේ 13 වන ජාතික මහජන සම්මේලනයේ (එන්පීසී) වාර්ෂික සැසිවාරය හොංකොං විශේෂ පරිපාලන කලාපයේ ආරක්ෂාව සඳහා නීති පද්ධතියක් සහ බලාත්මක කිරීමේ යාන්ත්‍රණයක් හා ස්ථාපිත කිරීම සඳහා පනතක් ඉදිරිපත් කර තිබේ.

මේ පිළිබඳව නිවේදනයක් නිකුත් කරමින් ශ්‍රී ලංකාවේ චීන තානාපති කාර්යාලය පවසන්න් ඒ හරහා හොංකොංහි ජාතික ආරක්ෂාව තහවුරු වන බවත් ආරක්ෂාව යනු ජාතියක මූලික අවශ්‍යතා වල පැවැත්ම සහ සංවර්ධනය සඳහා වන මූලික පූර්ව කොන්දේසියක් බවයි.

2019 සිට "හොංකොං ස්වාධීනත්වය" සහ රැඩිකල් බෙදුම්වාදී බලවේග වඩ වඩාත් ප්‍රචණ්ඩ ත්‍රස්ත ක්‍රියා බවට පත්ව ඇති බවත් විදේශ මැදිහත්වීමේ බලවේග සහ “තායිවානයේ ස්වාධීනත්වය” යන බලවේග හොංකොං කටයුතු දැඩි ලෙස අවුල් කර ඇති අතර එය හොංකොංහි මහජන ආරක්ෂාව දැඩි ලෙස අඩපණ කරන අතර ජාතික ආරක්ෂාවට සැබෑ තර්ජන මතු කරන බවද තානාපති කාර්යාලය පෙන්වා දෙයි.

ආණ්ඩුක්‍රම ව්‍යවස්ථාව සහ හොංකොං විශේෂ පරිපාලන කලාපයේ මූලික නීතියට අනුකූලව, ජාතික ආරක්ෂාව ආරක්ෂා කිරීම සඳහා නීතිමය රාමුවක් සහ බලාත්මක කිරීමේ යාන්ත්‍රණයක් ස්ථාපිත කිරීම සහ වැඩි දියුණු කිරීම ඉහළ ජාතික ස්වෛරීභාවය, එක්සත්කම සහ භෞමික අඛණ්ඩතාව පිළිබඳ අත්‍යවශ්‍ය පියවරක් බවද තානාපති කාර්යාලය පෙන්වා දෙයි.

එය හොංකොං හි දිගුකාලීන සාමය සහ ස්ථාවරත්වය ආරක්ෂා කිරීම සහ විදේශ මැදිහත්වීම් වැළැක්වීම සහ වළක්වා ගැනීම සඳහා ස්ථිර තේරීමක් බවත් තානාපති කාර්යාලය නිකුත් කළ නිවේදනයේ වැඩිදුරටත් දැක්වෙයි.