කළුගඟේ වැලි කැණීම් බලපත්‍ර කෙටිකලකට යළිත් ලබාදිමේ තිරණයක
කළුගඟේ වැලි කැණීම් බලපත්‍ර කෙටි කාලසීමාවකට කොන්දේසි සහිතව යළි නිකුත් කිරීමට පරිසර අමාත්‍යාංශය තීරණය කර තිබෙනවා.
කළුගඟේ වැලි ගොඩ දැමීම හේතුවෙන් ගංගා මෝයේ සිට නාර්තුපාන දක්වා කිලෝමීටර් 14 ක ප්‍රදේශයක වැලි කැණීම් තහනම් කිරීමට භූ විද්‍යා සමීක්‍ෂණ හා පතල් කාර්යාංශය ඉකුත්දා පියවර ගෙන තිබුණි.
ඒ, අනුව ඉකුත් දෙසැම්බර් මස 31 වනදායින් පසු අදාළ ප්‍රදේශයේ වැලි කැණීම සදහා ලබාදී තිබූ කැණීම් බලපත්‍ර 246 ක කාලය දීර්ඝ කිරීම අත්හිටවූ බවයි පරිසර අමාත්‍යාංශය සදහන් කළේ.
කෙසේවෙතත් මෙම තීරණය හේතුවෙන් වැලි ගොඩ දැමීම ජීවිකාව කර ගත් පවුල් ගණනාවක් අසරණභාවයට පත්ව සිටීම හේතුවෙන් ඊට විසදුමක් ලබාදෙන ලෙස එම පවුල්වල පිරිස් කළ ඉල්ලීමක් අනුව වැලි කැනීම් බලපත්‍ර කෙටි කාලසීමාවකට ලබාදීමට තීරණය කෙරුණු බවයි පරිසර අමාත්‍යාංශය සදහන් කළේ.
වගකීම් සහිතව මෙම කටයුතුවල නිරත වන ලෙසත් කළුතර දිස්ත්‍රික්කයේ පානීය ජල ගැටළුවක් උද්ගත නොවන අයුරින් අවශ්‍ය පියවර ගන්නා ලෙසටද කළු ගඟේ වැලි කැණීම් බලපත්‍රලාභීන්ගෙන් ජාතික ජල සම්පාදන හා ජලාපවාහන මණ්ඩලය මෙහිදී ඉල්ලීමක් ද කර තිබෙනවා.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
