’’කුසගින්නෙන් පෙළෙන ජාත්‍යන්තරයට කොරියා ආධාර’’ සංවිධානයෙන් රුපියල් ලක්ෂ 22 ක උපකරණ පරිත්‍යාගයක්

මෙරට කොවිඩ්-19 වසංගත තත්ත්වය හමුවේ කොරියානු   කුසගින්නෙන් පෙළෙන ජාත්‍යන්තරයට කොරියා ආධාර (Korea Food for the Hungry International) සංවිධානය විසින් රුපියල් ලක්ෂ 22 ක වටිනාකමකින් යුත් සෞඛ්‍යආරක්ෂිත උපකරණ පරිත්‍යාගයක් අද දින (28) සෞඛ්‍ය අමාත්‍යාංශය වෙත පරිත්‍යාග කිරිම සිදු විය.

මෙම පරිත්‍යාගය සෞඛ්‍ය අමාත්‍ය පවිත්‍රා වන්නිආරච්චි  වෙත කොරියානු   කුසගින්නෙන් පෙළෙන ජාත්‍යන්තරයට කොරියා ආධාර සංවිධානයේ සභාපති Mr. Choi Sun Bong මහතා සහ ලේකම් ලසිත නානායක්කාර මහතා විසින් සෞඛ්‍ය අමාත්‍යාංශයේ දී පරිත්‍යාග කරන ලදි.

කොවිඩ් -19 වෛරසයෙන් ආරක්ෂාවීම සහ ප්‍රතිකාර සේවාවන් ශක්තිමත් කිරිම සදහා ලබාදෙන ලද එම පරිත්‍යාගය අතර, සෞඛ්‍ය කාර්ය මණ්ඩලවල පරිහරණය සදහා  ආරක්ෂිත ඇදුම් කට්ටල ({Protective Clothing) 1008 ක්, ආරක්ෂිත ගොගල්ස් (Protective Goggle) 480 ක්, ආරක්ෂිත අත්ආවරණ කට්ටල  (Protective Gloves) 2000 ක් වේ.