කොස්ගොඩ සුජීගේ ගෝලයෙකුගේ කොන්ත්‍රාත්තුවක් කළ රොෂාන් අත්අඩංගුවට

සජීව පතොරම් 2990ක් සමග සැකකරුවෙක් අත්අඩංගුවට ගත් බව පොලීසිය පවසයි. සියඹලාණ්ඩුව, දොඹගහවෙල ප්‍රදේශයේදී වැල්ලවාය දෙසට ගමන් ගත් වෑන් රථයක් වටලා මෙම සැකකරු අත්අඩංගුවට ගත් බව පොලීය පවසයි.

ගමන් මල්ලක තිබී මෙම පතොරොම් තොගය සොයාගෙන ඇති අතර එයට ටී. 56 පතොරම් 2958ක් හා පිස්තෝල අවි සඳහා භාවිත කරන මිලි මීටර් 9 වර්ගයේ පතොරොම් 32ක් අයත් වෙයි.

සැකකරු සමග් වෑන් රථයේ රියදුරු හා තවත් 5 දෙනෙක් ප්‍රශ්ණ කිරීම් සඳහා අත්අඩගුවට ගත් බව පොලීසිය පවසයි.

සැකකරු හික්කඩුවේ පදිංචි එල්. රෝෂාන් බවත් සංවිධානාත්මක අපරාධකරුවෙක් වන කොස්ගොඩ සුජීගේ ගෝලයෙක් බව පැවැසෙන ගාල්ල බන්ධනාගාරයේ සිටින ජයලත් සුද්දා යන අයගේ කොන්ත්‍රාත්තුවක් මත මෙම පතොරොම් තොගය ගාල්ලට රැගෙන යමින් සිටි බවත් සැකකරු පවසා තිබේ.