කංසා වැවූ අයෙක් අත්අඩංගුවට

කොච්චිකඩේ, මඩම්පැල්ල ප්‍රදේශයේ නිවසක කංසා වගා කළ බවට සැකකරන පුද්ගලයෙකු ඊයේ (23දා) අලුයම අත්අඩංගුවට ගත් බව මීගමුව කොට්ඨාස නීතීය බලගැන්වීමේ ඒකකය පවසයි. 48 හැවිරිදි  තිදරු පියෙකු මෙලෙස අත්අඩංගුවට පත්ව තිබේ.

එම ඒකකයට ලද ‍තොරතුරකට අනුව ඊයේ අලුයම අදාළ නිවස පරික්ෂා කළ අවස්ථාවේ එහි පිටුපස සැකකරු විසින් මල් වගා කරන  මුවාවෙන් මල්  බඳුන් 50ක පමණ කංසා පැළ 12 බැගින් වගා කර තිබූ බවත් ඒවායෙහි  බර කිලෝග්‍රෑම් 05 ක් පමණ වන බවද  පොලීසිය පවසයි.

මොහු විසින් කලක පටන් සූක්ෂම අයුරින් මෙම කංසා වගා කර ඒවා වැඩුණු පසු අලෙවි කර ඇති බවට තොරතුරු ලැබී ඇති බවද පොලීසිය පවසයි.

අත්අඩංගුවට පත් සැකකරු හා කංසා තොගය හෙට (24දා) මීගමුව මහේස්ත්‍රාත් අධිකරණයට යොමු ඉදිරිපත් කිරීමට නියමිතය.

පන්නල-හේමාරාජපක්ෂ