කුස තුළ මියගිය බිළිඳියට කොවිඩ්

ගැබිනි මවකගේ කුස තුළදි මියගිය සති 37ක් වයසැති බිළිදියකට කොරෝනා වෛරසය ආසාදනය වී තිබුණ බවට  ගාල්ල කරාපිටිය ශික්ෂණ රෝහලේ දි පැවති හදිසි මරණ පරික්ෂණයේ දී අනාවරණය වී ඇත.

 ගැබනි මව දරු ප්‍රසූතිය සඳහා ගාල්ල මහමෝදර මාතෘ රෝහලට ඇතුලත්ව ඇති අතර  කුස තුලදි දරුවා මියගොස් ඇත. මිය යාමෙන් පසුව බිළිදියට කරණු ලැබු පි.සි.ආර් පරික්ෂණයේ දි  කොරෝනා වෛරසය ආසාදනය වි ඇති බවට තහවුරුවි ඇත.

ගැබනි මව බුස්ස මහමුදලිමාවතේ පදිංචිකාරියකි. ඇයට කොරෝනා වෛරසය ආසාදනය විම නිසා කරන්දෙණිය කොවිඩ් වෛද්‍ය ප්‍රථිකාර මධ්‍යස්ථානයේ ප්‍රථිකාර ලැබ යළි නිවසට පැමිණ ඇත. පසුව දරු ප්‍රසුතිය සඳහා මහමෝදර මාතෘ රෝහලට ඇතුලත්ව ඇත. මෙකි ගැබනි මවගේ දරු දෙදෙනා හා සැමියා ද නිවස තුල නිරෝධායනයට ලක්කොට ඇත.