කුස ගින්නෙන් පිඩා විඳින රතුගල ආදිවාසින්

බිබිල රතුගල ආදිවාසි ගම්මානයේ ජීවත්වන පවුල් 98 ක ජනයා මේ දිනවල  උග්‍ර ආහාර හිඟයකට මුහුණ දී සිටින බව එහි නායක සුදා වන්නිල ඇත්තෝ පවසති.

එදිනෙදා කුලි වැඩ කරමින් ජීවිකාව ගෙන යන ආදිවාසීන්ට මේ දිනවල රැකියාවන් නොමැතිවීමත් සමග ගම්මානයේ සියලුම දෙනා මේ වන විට දැඩි ආහාර අර්බුදයකට ලක්ව සිටිති.

ආදිවාසීන් නිල්ගල වනයේ ඇවිද සොයාගන්නා කටු අල ඇතුලු අල වර්ග පමණක් දවසකට එක වේලක්  ආහාරයට ගන්නා බව පවසති.

මහ කන්නයේ හේන් වගාවටත් ජලය නොලැබීම නිසාත් බඩ ඉරිගු සේනා දළඹු හානියෙන් විනාශ වීම නිසාත් ආදිවාසී ජනතාව මෙවැනි තත්ත්වයකට පත්ව තිබෙන බව සුදා වන්නියා ඇත්තෝ පවසති.

රජයෙන් ලැබිය යුතු සේවාවන් තම ගම්මානයට මෙතෙක් නොළැඹු බව නායකයා කියති.