කොවිඩ් වැලැක්වීමේ ශ්‍රී ලංකාවේ සටන චීනයේ ඇගයීමට

ශ්‍රී ලංකාවේ චීන තානාපති කාර්යාලයේ වැඩබලන තානාපති හූ වෙයි මහතා ශ්‍රී ලංකාවේ විදේශ අමාත්‍ය දිනේෂ් ගුණවර්ධන මහතා හමුවිය. චීනයේ විදේශ අමාත්‍ය වැංග් යී මහතා හා අමාත්‍ය දිනේස් ගුණවර්ධන මහතා අතර ඊට පෙර පැවැති දුරකතන සංවාදය අනුව COVID-19 වසංගතයට එරෙහිව සටන් කිරීමට සඳහා චීනය සහ ශ්‍රී ලංකාව ඒකාබද්ධව ගත හැකි උත්සාහනයන් පිළිබඳව ගැඹුරු සන්නිවේදනයක් පැවැත්වීය.

ගුණවර්ධන මහතා පැවසුවේ “මා රාජ්‍ය මන්ත්‍රී සහ විදේශ ඇමති වැන්ග් යී සමඟ ඉතා මිත්‍රශීලී හා ඵලදායී සංවාදයක් පැවැත්වූවා.  චීනයේ සහ ලෝකයේ වසංගතයට එරෙහිව සටන් කිරීම සඳහා චීන කොමියුනිස්ට් පක්ෂය සහ චීන රජය ගත් උත්සාහයන් සහ දායකත්වය ශ්‍රී ලංකා රජය අවංකවම අගය කරනවා. වෛරසයට එරෙහිව සටන් කිරීමේදී අඛණ්ඩව වැදගත් කාර්යභාරයක් ඉටු කිරීම සඳහා අපි ලෝක සෞඛ්‍ය සංවිධානයට සහාය දෙනවා. ශ්‍රී ලංකාව හා චීනය අතර මිත්‍රත්වයට දීර්ඝ ඉතිහාසයක් තිබෙනවා.

වසංගතයට එරෙහිව සටන් කිරීම සඳහා චීන රජය, ව්‍යවසායන් සහ පුද්ගලයින් ශ්‍රී ලංකාවට ලබා දුන් අත්දැකීම් හුවමාරු කර ගැනීම සහ වෛද්‍ය සැපයුම් පරිත්‍යාග කිරීම අපි අවංකවම අගය කරනවා. වසංගතය වැළැක්වීමේ හා පාලනය කිරීමේ මෙන්ම ආර්ථික ප්‍රකෘතියේ මීළඟ අදියරේදී චීනයෙන් වටිනා සහයෝගයක් අඛණ්ඩව ලැබෙනු ඇතැයි ශ්‍රී ලංකාව අපේක්ෂා කරනවා.”

වර්තමාන ගෝලීය වසංගත තත්ත්වය ඉතා දරුණු බවත්, දෙරටේ විදේශ ඇමතිවරු මෙම පිළිබඳව සාකච්ඡා කළේ කාලෝචිතව බවත් ඔහු පැවැසීය. චීනය සහ ශ්‍රී ලංකාව අතර සහයෝගීතාවයේ මීළඟ අදියර සඳහා මෙය ඉතා වැදගත් බවත් ඔහු පැවසීය.

වසංගතය වැළැක්වීම සහ පාලනය කිරීම සඳහා ශ්‍රී ලංකා රජය ගෙන ඇති පියවර චීනය අගය කරන බවත් COVID-19 ට එරෙහිව සටන් කිරීමට ශ්‍රී ලංකාවට සහාය දක්වන බවත් හූ වෙයි මහතා පැවැසීය.

ශ්‍රී ලංකාවේ දේශීය වසංගතය පැතිරී ඇති බැවින්, චීන රජය, ව්‍යවසායන් සහ පුද්ගලයින් ශ්‍රී ලංකාවට පරීක්ෂණ කට්ටල 42,024 ක්, ශල්‍ය මුහුණු ආවාරණ 958,730 ක්, KN 95 මුඛ ආවාරණ 139,280 ක්, PPE ඒකක 14,380 ක් ශ්‍රී ලංකාවට පරිත්‍යාග කර තිබේ.

මීට අමතරව, චීනය සිය අත්දැකීම් ශ්‍රී ලංකා සෞඛ්‍ය බලධාරීන් සමඟ බෙදාගෙන තිබේ. මීළඟ අදියරේදී, දෙරටේ විදේශ ඇමතිවරුන්ගේ වැදගත් එකඟතාවයට අනුකූලව, වසංගතයට එරෙහිව සටන් කිරීම සහ චීනය සහ ශ්‍රී ලංකාව අතර ආර්ථිකයන් සංවර්ධනය කිරීම සඳහා චීනයේ සහයෝගිතාවය ශ්‍රී ලංකාවේ චීන තානාපති කාර්යාලය හරහා අඛණ්ඩව ශක්තිමත් කරන බවද චීන තානාපති කාර්යාලය සඳහන් කරයි.

සාකච්ඡාව අවසන් වීමට පෙර වැඩබලන තානාපතිවරයා චීනය ශ්‍රී ලංකාවට ලබාදුන්  පරිත්‍යාගයේ සාරාංශ ලැයිස්තුවක් විදේශ අමාත්‍යවරයාට භාර අලුතින් ප්‍රකාශයට පත් කරන ලද “ COVID-19 ට එරෙහි චීනයේ සටන” සහ තානාපති කාර්යාලයේ ආධාරද විදේශ අමාත්‍යාංශයට භාර දුන්නේය.