කල්පිටිය ඩොල්ෆින් නැරඹුම් සති දෙකක කාලයක් අත්හිටුවයි

කල්පිටිය සංචාරක කලාපයේ ඩොල්ෆින් නැරඹුම් සති දෙකක කාලයක් සදහා වහාම ක්‍රියාත්මක වන  පරිදි අත්හිටුවා ඇතැයි, කල්පිටිය වනජීවී අඩවි ආරක්ෂක මංජුල මොරතැන්න මහතා පවසයි.

එළැඹි  දිගු පාසැල් නිවාඩුවත් සමග,දේශීය සංචාරකයන්ගේ ඉහළ යාමක් සිදුවිය හැකි බව  පවසන ඒ මහතා, කොරෝනා වෛරසය පැතිරිම මැඩලීම සදහා රජය ගන්නා ක්‍රියාමාර්ගයන්ට සහාය දැක්වීම සදහා මෙම තීරණය ගත් බව  වැඩිදුරටත්  පැවසීය.

කල්පිටියේ ඩොල්ෆින් නැරඹුම් සමය පසුගිය සැප්තැම්බර් මස උදා වූ අතර මෙම නැරඹුම් අප්‍රියෙල්  අග භාගය දක්වා පැවැත්වේ.