කුරුණැගල නව ජාතික රෝහලේ ඉදිකිරිම් ප්‍රගතිය අගමැතිගේ අවධානයට
කුරුණෑගල පළාත් මහ රෝහල අති නවීන ජාතික රෝහලක් ලෙස ඉදිකිරීමේ මූලික පියවරයන්හි ප්‍රගතිය සම්බන්ධයෙන් අග්‍රාමාත්‍ය මහින්ද රාජපක්ෂ මහතා අරලියගහ මන්දිරයේ ඊයේ (21) පස්වරුවේ පැවති සාකච්ඡාවක දී සිය අවධානය යොමු කළේය.
ඒ අනුව ඉඩම් පවරාගැනීම, ගොඩ කිරීම සහ නව රෝහලේ ඉදිකිරීම් කටයුතු ප්‍රගතිය පිළිබඳව අග්‍රාමාත්‍යතුමා අදාළ පාර්ශවයන්ගෙන් තොරතුරු විමසා සිටියේය.
සමස්ත ජනගහනයෙන් සියයට දහයක පමණ ජනතාවකට මෙම රෝහල ඔස්සේ සේවා පහසුකම් හිමිවන අතර කුරුණෑගල සහ පුත්තලම ඇතුළු දිස්ත්‍රික්ක පහක ජනතාව සෘජුව රෝහලේ ප්‍රතිකාර සේවා වලට යොමුවෙයි.
අග්‍රාමාත්‍යතුමාගේ උපදෙස් පරිදි නව රෝහල ඉදිකරනුයේ සුවිශේෂ පහසුකම් ඇතුළත්වන පරිදිය.
බස් රථයෙන් පැමිණෙන රෝගීන්ට වෙනම බස් සේවාවක් සහ රෝහල අභ්‍යන්තරයේම බස් නැවතුමක් ඉදිවීම, පළමු වතාවට රෝහලක් ආකර්ශනීය හරිත සංකල්පය යටතේ ඉදිකිරීම, ශික්ෂණ රෝහලක් මෙන්ම ශෛල්‍ය වෛද්‍ය, ළමා රෝග හා මාතෘ සේවාවල උසස් මට්ටමේ සේවා සැපයීම, කුරුණෑගල දිස්ත්‍රික්කය මෙරට වැඩිම විහාරස්ථාන සංඛ්‍යාවක් සහිත ප්‍රදේශය හේතුවෙන් අංග සම්පූර්ණ භික්ෂු වාට්ටු සංකීර්ණයක් සහිතව ඉදිකිරීම සහ රෝහලේ සිට අධිවේගී මාර්ගයට හා දුම්රිය ස්ථානයට සෘජු මාර්ග පහසුකම් සැලසීම ඒ අතර ප්‍රධාන වේ.
අග්‍රාමාත්‍යතුමාගේ උපදෙස් පරිදි අමාත්‍ය ජොන්ස්ටන් ප්‍රනාන්දු මහතා ඇතුළු දේශපාලන අධිකාරිය, සෞඛ්‍ය අමාත්‍යංශය, රජයේ වෛද්‍ය නිලධාරීන්ගේ සංගමය සහ නාගරික සංවර්ධන අධිකාරිය එක්ව රෝහල ඉදිකිරීමට අදාළ සැලසුම සකස් කර තිබේ.
කුරුණෑගල පළාත් රෝහලේ දැනට පවතින සේවාවන්ට බාධාවක් නොවන පරිදි නව ඉදිකිරීම් කටයුතු ඉටුවිය යුතු බව අග්‍රාමාත්‍යතුමා මෙහි දී පෙන්වා දුන්නේය.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
