කැබිනට් මණ්ඩලයේ සිටීම ලැජ්ජාවක්

- 18 10 2018 - 12:45 - {{hitsCtrl.values.hits}} views - ඉන්දික හේවාවිතාරණ

කැබිනට් මණ්ඩලය තුළ කතාබහ නොකරන දේවල් විවිධ අන්දමින් නිර්මාණය කර එළියට ලබාදෙන නිසා කැබිනට් මණ්ඩලය තුළ රැඳී සිටීමත් ලැජ්ජාවක් බවට පත්වී තිබෙන බව ශ්‍රී ලංකා නිදහස් පක්ෂ මාධ්‍ය ප්‍රකාශක අමාත්‍ය මහින්ද සමරසිංහ මහතා සඳහන් කළේය.

ඒ මහතා මේ බව ප්‍රකාශ කළේ අද (18දා) පැවැති මාධ්‍ය සාකච්ඡාවකදීය.

ඉන්දියානු බුද්ධි අංශ සේවාවක් ජනාධිපති මෛත්‍රීපාල සිරිසේන මහතා ඝාතනය කිරීමට කුමන්ත්‍රණය කළ බවට කැබිනට් මණ්ඩලයේදී ජනාධිපති මෛත්‍රීපාල සිරිසේන මහතා ප්‍රකාශ සිදුකළ බවට සිදු වූ ප්‍රචාරය අසත්‍ය බවත්, එහෙත් හින්දු පුවත්පතේ ලිපියට අනුව අමාත්‍යවරුන් කිහිපදෙනෙකු අදාළ මාධ්‍ය‘වේදියාට තොරතුරු ලබාදුන් බවට සඳහන් කර තිබෙන බවත් හෙතෙම කියා සිටියේය.

ඉන්දියාව හා ශ්‍රී ලංකාව අතර හොඳ සම්බන්ධතාවයක් තිබෙන අතර, මෙවැනි අසත්‍ය ප්‍රකාශ නිර්මාණය කිරීම රටට හොඳ නැති බවත් මහින්ද සමරසිංහ මහතා මෙහිදී වැඩිදුරටත් පවසා සිටියේය.