කුඩු අංජුගේ ගෝලයෙක් අත්අඩංගුවට

රුපියල් ලක්ෂ 15 කට ආසන්න වටිනා  හොරොයින්  මත්කුඩු සමග පුද්ගලයෙක් අද  14 සංවිධානාත්මක අපරාධ කොට්ඨාසය නිලධාරීන් විසින් මොරටුවේ දී අත්අඩංගුවට ගෙන ඇතැයි පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පැවසීය

එම සැකකරු සන්තකයේ තිබී මත්කුඩු ග්‍රෑම් 100ක් පොලිස් භාරයට ගෙන ඇත.

සැකකරු අත්අඩංගුවට ගෙන සිදු කළ ප්‍රශ්න කිරීමේදී විදේශ රටකට පළා ගොස් සිට මහා පරිමාණ මත්ද්‍රව්‍ය ජාවාරම්කරුවෙක්  වන "රත්මලාන කුඩු අංජු" නමැත්තා ගේ ගෝලයෙක් බවට අනාවරණ වූ බව පොලිසිය කියයි.

අත්අඩංගුවට ගත් සැකකරු වයස අවුරුදු 22 ක පුද්ගලයෙක් වන අතර මොරටුව මහේස්ත්‍රාත් අධිකරණය වෙත ඉදිරිපත් කිරීමට නියමිතය.

සංවිධානාත්මක අපරාධ කොට්ඨාසය පරීක්ෂණ පවත්වයි.

  බිමල් ශ්‍යාමන් ජයසිංහ