ඒකල කර්මාන්ත ශාලාවක 39 කට කොවිඩ්

ඒකල පොහොර නිෂ්පාදන කර්මාන්ත ශාලාවක කරනු ලැබූPCR පරීක්ෂාවකදී කොවිඩ් 19 ආසාධිතයන් 39 දෙනෙකු සොයා ගත් බව ජා-ඇල ප්‍රාදේශීය සභා පරිපාලන මහජන සෞඛ්‍ය පරීක්ෂක එස්. ඩබ්ලිව්. එම්. වයි. විජේසිංහ මහතා ප්‍රකාශ කලහ.

ඉකුත් 28 දා උක්ත කර්මාන්ත ශාලාවේ දීPCR පරීක්ෂණ 133ක් සිදු කර ඇති අතර 29 දා ඔවුනගෙන් 39 දෙනකු කොවිඩ් 19 ආසාධනය වුවන් බව සෞඛ්‍ය අංශ තහවුරු කර ගත් බව විජේසිංහ මහතා පැවසීය. එම ආසාධිතයන්ගෙන් බහුතරය ජා-ඇල ප්‍රදේශයේ පදිංචි කරුවන් වන අතර ගම්පහ දිස්ත්‍රික්කයේ හා අනුරාධපුර ප්‍රදේශයේ පදිංචි පුද්ගලයන්ද මෙම ආසාධිතයන් අතර සිටින බව පරිපාලන මහජන සෞඛ්‍ය පරීක්ෂක වරයා පැවැසීය.

විශේෂයෙන් ප්‍රදේශයේ පුද්ගලයන් තම සංචරණ කටයුතු සීමා නොකර නත්තල් උත්සව සමයේ සාද පවත්වමින් කටයුතු කිරීම මෙම තත්ත්වය ව්‍යාප්ත වීමට හේතුවක් වු බවත් මේ නිසා ප්‍රදේශයක් ලෙස ජනතාව මීට වඩා සැලකිලිමත් ව කටයුතු නොකලහොත් ජන ජීවිතය වඩාත් පීඩාකාරී වනු ඇතැයිද ජා-ඇල පරිපාලන මහජන සෞඛ්‍ය පරීක්ෂක එස්. ඩබ්ලිව්. එම්. වයි. විජේසිංහ මහතා පවසා සිටියහ.

ජා-ඇල ප්‍රසංග පෙරේරා