ඉන්දු-ලංකා ඒකාබද්ධ නාවික අභ්‍යාසයට ගිය ‘සිඳුරළ’ සහ ‘සුරනිමිල’ යළි දිවයිනට

ශ්‍රී ලංකා නාවික හමුදාව සහ ඉන්දීය නාවික හමුදාව අතර පැවැත්වෙන ඉන්දු-ලංකා ඒකාබද්ධ නාවික පුහුණු අභ්‍යාසයට (Sri Lanka India Naval Exercise - SLINEX 2019) සහභාගී වීම සඳහා 2019 සැප්තැම්බර් මස 05 වන දින ශ්‍රී ලංකාවෙන් පිටත් වූ ශ්‍රී ලංකා නාවික නෞකා ‘සිඳුරළ’ සහ ‘සුරනිමිල’ යන නෞකාවන් දිවයිනට ලඟා විය.

ශ්‍රී ලංකා නාවික නෞකා ‘සිඳුරළ’ නෞකාව ඊයේ (14දා) ත්‍රිකුණාමලය නාවික තඨාකාංගනය වෙතත්, ශ්‍රී ලංකා නාවික නෞකා ‘සුරනිමිල’ නෞකාව අද (15දා) කොළඹ වරාය වෙතත් සේන්දු විය.

මෙම ඒකාබද්ධ නාවික පුහුණු අභ්‍යාසය සැප්තැම්බර් මස 07 වන දින සිට 12 වන දින දක්වා ඉන්දියාවේ විශාකපට්නම් හිදී පැවැති අතර, ඒ සඳහා ශ්‍රී ලංකා නාවික හමුදා නෞකාවන් සමඟ ඉන්දියානු නාවික නෞකා ‘කුක්රි’ සහ ‘සුමේධා’ යන නෞකාවන් එක් වීය.