ඇෆ්ගන්-තලේබාන් සාකච්ඡා- රජය සටන් විරාමයක් ඉල්ලයි

ඇෆ්ගනිස්තාන රජය සහ තලේබාන් සංවිධානය සමග කටාර් හිදී ප්‍රථම වරට පැවැත්වෙන සාම සාකච්ඡාවලදී ඇෆ්ගන් රජය විසින් තලේබාන් සංවිධානය සමග මානුෂීය සටන් විරාමයක් ඉල්ලා සිටියි.

රජයේ දූත පිරිසට නායකත්වය දුන් අබ්දුල්ලා අබ්දුල්ලා අවධාරණය කළේ යුද්ධයෙන් ජයග්‍රාහකයෙකු නොමැති බවය.

තලේබාන් සංවිධානය ගිවිසුමක් ගැන සඳහන් නොකළ අතර, ඇෆ්ගනිස්ථානය ඉස්ලාමීය නීතිය යටතේ තිබිය යුතු බව නැවත අවධාරණය කළේය.

එක්සත් ජනපදය දෙපාර්ශ්වයම එකඟතාවයකට පැමිණීමට දිරිගැන්වූ අතර, “මුළු ලෝකයටම අවශ්‍ය වන්නේ ඔබ සාර්ථක වීමයි”.

ඇෆ්ගනිස්ථානය මේ වනවිට දශක හතරක ගැටුමකට මුහුණ දී ඇති අතර, ගැටුම් හේතුවෙන් සිවිල් වැසියන් දහස් ගණනින් ජීවිතක්ෂයට පත්ව තිබේ.

එක්සත් ජනපදයේ ඇෆ්ගනිස්ථාන හමුදා මෙහෙයුම් ආරම්භ කිරීමට හේතු වූ නිව්යෝක්හි 9/11 අල්කයිඩා ප්‍රහාරයේ 19 වැනි සංවත්සරයෙන් දිනකට පසු සෙනසුරාදා ඓතිහාසික සාකච්ඡා ආරම්භ වීමද විශේෂත්වයකි.