ඇඳිරි නීතියට පෙර නිවසට යාම​ට කොළඹින් අමතර බස් හා දුම්රිය

ඇඳිරි නීතියට පෙර ගම්බිම් බලා යන ජනතාවගේ පහසුව සඳහා කොළඹින් අමතර දුම්රිය හා බස්රථ සේවාවන් යෙදවීමට කටයුතු යොදා ඇතැයි ප්‍රවාහන අමාත්‍යාංශය පවසයි.

මේ අතර, සියලු අධිවේගී මාර්ගවලට රථ වාහන ඇතුළු කිරීම අද පස්වරු 4.00 සිට නතර කෙරෙන බව මාර්ග සංවර්ධන අධිකාරිය පවසයි.

අද උදෑසන කොළඹට පැමිණි මගී ජනතාවට යළි ගම්බිම් කරා යාම සඳහා ප්‍රධාන මාර්ගය, උතුරු මාර්ගය සහ මුහුදුබඩ මාර්ගයේ අද පස්වරු 3.00 දක්වා දුම්රිය ගමන්වාර කිහිපයක් පමණක් ධාවනයට කටයුතු යොදා ඇති බව එම දෙපාර්තමේන්තුව නිවේදනය කළේය.