අන්තර් පළාත් බස් රථවලට සහනයක්

පවතින තත්ත්වය සැලකිල්ලට ගෙන අන්තර් පළාත් බස් රථවලින් මසකට අයකර ගන්නා මාර්ග බලපත්‍ර ටෙන්ඩර් ගාස්තුවට යම් සහනයක් ලබාදීමට තීරණය කළ බව ජාතික ගමනාගමන කොමිෂන් සභාව සඳහන් කරයි.

මේ අනුව අප්‍රේල් 21 වැනිදා සිට මේ මස 21 වැනිදා අතර මාසයක කාලයක් සඳහා අයකරන මාර්ග බලපත්‍ර ගාස්තුවෙන් 50%ක් පමණක් අයකර ගැනීමට තීරණය කළ බවද එම කොමිසමේ සභාපති ජනක මල්ලවආරච්චි මහතා සඳහන් කළේය.

බස් හිමියන්ගේ ආදායම 20%ක් දක්වා පහත වැටීම නිසා අදාළ සහනය ලබාදෙන ලෙස අන්තර් පළාත් බස් හිමියන්ගේ සංගමය විසින් මෙම ඉල්ලීම සිදුකර තිබේ.