අගමැති හා ආණ්ඩු පක්ෂ මන්ත්‍රීන් අතර හමුවක්

අග්‍රාමාත්‍ය මහින්ද රාජපක්ෂ මහතා සහ ආණ්ඩු පක්ෂය නියෝජනය කරන මන්ත්‍රීවරුන් අතර අද (02) දිනයේ සාකච්ඡාවක් පැවැත්වීමට නියමිත බව වාර්තා වේ.

අද පස්වරුවේ අරලියගහ මන්දිරයේදී මෙම සාකච්ඡාව පැවැත්වෙන බව දේශපාලන ආරංචි මාර්ග සඳහන් කරයි.

දැනට සමාජයේ කතාබහට ලක්වී ඇති කොතලාවල ආරක්ෂක විශ්වවිද්‍යාල පනත පිළිබඳව මෙහිදී සාකච්ඡා කිරීමට නියමිත බවයි වාර්තා වන්නේ.

ඒ අනුව ඒ සම්බන්ධයෙන් දැනුවත් කිරීමක් සිදු කෙරෙන අතර අදාළ කෙටුම්පත සම්බන්ධයෙන් මන්ත්‍රීවරුන් කිහිපදෙනෙකු විරුද්ධ මත ප්‍රකාශකර ඇති අතර ඒ පිළිබඳව ද අද දිනයේ සාකච්ඡාවට ලක් කිරීමට නියමිත බව වැඩිදුරටත් වාර්තා වෙයි.