අගමැති අලුත් අවුරුද්දට ආශිර්වාද ගන්න බඹරකැලේ ශ්‍රි මහා විහාරයට

අග්‍රාමාත්‍ය රනිල් වික්‍රමසිංහ මහතා නුවරඑළිය ප්‍රදේශයේ සංචාරයක නිරතව සිටි.

ඊයේ (15) නුවරඑළිය,බඹරකැලේ ශ්‍රී මහා විහාරය වෙත පැමිණි අග්‍රාමාත්‍ය රනිල් වික්‍රමසිංහ මහතා විහාරාධිපති පූජ්‍ය මීපනාවේ සුගතානන්ද ස්වාමීන් වහන්සේ බැහැ දැකීම සිදු කළේය.

ආගමික වතාවත්වලින් අනතුරුව අලුත් අවුරුද්දට ආශිර්වාද ලබා ගැනීමට අග්‍රාමාත්‍යවරයා කටයුතු කළ අතර. මහා සංඝරත්නය අග්‍රාමාත්‍යවරයාටත් රටටත් සෙත් ප්‍රාර්ථනා කළහ. 

අනතුරුව නුවරඑළිය ජනතාවගේ ගැටලු සම්බන්ධයෙන් විහාරාධිපති ස්වාමීන් වහන්සේ මෙහෙදී අග්‍රාමාත්‍යවරයා දැනුවත් කළහ.

මෙම අවස්ථාවට නුවරඑළිය මහනගර සභාවේ  නගරාධිපති චන්දනලාල් කරුණාරත්න මහතා ඇතුළු විශාල පිරිසක් සහභාගී වූහ.