UNP හා SLFP ට ඡන්දය දෙන්න එපාලු

හොරකම් කර  වංචා කර රට විනාශ කර දැමූ ශ්‍රී ලංකා නිදහස් පක්ෂයට හා එක්සත් ජාතික පක්ෂයට පුංචි ඡන්දයේදී ඡන්දය භාවිතා නොකරන ලෙසට ග්‍රාමීය මට්ටමින් අඛණ්ඩ දැනුවත් කිරීම් සිදුකරන බව අන්තර් සමාගම් සේවක සංගමය සඳහන් කරයි.

තම සංගමය යටතේ වෘත්තීය සමිති 370කට අධික ප්‍රමාණයක් තිබෙන බවත්, මෙම වෘත්තීය සමිති හරහා මෙම දැනුවත් කිරීම සිදුකරන බවද එම සංගමයේ සභාපති පළාත් සභා මන්ත්‍රී වසන්ත සමරසිංහ මහතා අද (28දා) පැවති මාධ්‍ය  සාකච්ඡාවකදී සඳහන් කළේය.

පිරිසුදු දේශපාලනයක් රට තුළ ඇතිකර ගැනීමට තම ජනතාව ජනතා විමුක්ති පෙරමුණට ඡන්දය භාවිත කළයුතු බවත් දැනුවත් කිරීම් වැඩසටහන්වලදී මේ පිළිබඳවත් ජනතාව දැනුවත් කරන බවද කියා සිටියේය.