HDI අනුව ශ්‍රී ලංකාවට 73

මානව සංවර්ධන දර්ශක අගය අනුව මානව සංවර්ධනය ඉහළ මට්ටමේ පවතින කාණ්ඩයේ 73 වැනි ස්ථානය ශ්‍රී ලංකාවට හිමි වී ඇතැයි 2015 ජගත් මානව සංවර්ධන වාර්තාවේ සඳහන් කර තිබේ.

ජනතාව දීර්ඝකාලීන සෞඛ්‍යමත් ජීවිතයක් ගත කිරීම, දැනුම ලබාගැනීමට ඇති හැකියාව, අභිමානවත් හා ප්‍රමිතියකට අනුව ජීවත්වීමේ හැකියාව යන කරුණු 03 පාදක කරගනිමින් ලෝකයේ රටවල් 180 ක මෙම වාර්තාව සකස් කරනු ලබයි.

ශ්‍රී ලංකාව වෙනුවෙන් සකස් කළ වාර්තාව අද (21දා) බණ්ඩාරනායක ජාත්‍යන්තර සම්මන්ත්‍රණ  ශාලාවේදී එළිදැක්වූ අතර, එහිදී රජය නියෝජනය කරමින් අමාත්‍ය ආචාර්ය සරත් අමුණුගම මහතා සහභාගි විය.

දකුණු ආසියාවේ මානව සංවර්ධන දර්ශක අවම අගය 0.607 ක් වන අතර, ශ්‍රී ලංකාව මෙම වාර්තාවට අනුව 0.757 ක අගයක් ලබාගෙන ඇත. 

ඡායාරූප - ඉසුරු පෙරේරා