FCID විසුරුවන්නේත් නැහැ විසුරුවන්න දෙන්නෙත් නැහැ

පොලිස් මූල්‍ය අපරාධ කොට්ඨාසය විසුරුවා හැරීමේ කිසිම අදහසක් නැතැයි නියෝජ්‍ය අමාත්‍ය අජිත් පී.පෙරේරා මහතා පැවසීය.

ජනතා විමුක්ති පෙරමුණු මන්ත්‍රී සුනිල් හඳුන්නෙත්ති මහතා පදනම් විරහිතව එවැනි තොරතුරක් ප්‍රකාශ කර ඇති බවත් කිසිවිටක මූල්‍ය අපරාධ කොට්ඨාසය විසුරුවීමට නොදෙන බවත් අමාත්‍යවරයා අද මාධ්‍යයට පැවසීය.

පොලිස් මූල්‍ය අපරාධ කොට්ඨාසය පිහිටවූයේ විශේෂ අරමුණක් ඇතිව. ඒ තමයි ලෝක හොරු අල්ල ගන්න එක. ඒ නිසා මූල්‍ය අපරාධ කොට්ඨාසයේ නිළධාරීන්ට කලකිරෙන්න කිසිම හේතුවක් නැහැ. ඔවුන් බොහොමයක් විමර්ශන අවසන් කරලා නීතිපතිට භාරදීලයි තිබෙන්නේ. මූල්‍ය අපරාධ කොට්ඨාසය විසුරුවන්න නොවෙයි තවත් ශක්තිමක් කරලා අපේ ආණ්ඩුවේ කවුරු හරි හොරකමට සම්බන්ධයිනම් එවුන්ව අල්ල ගන්නත් අනාගතයේ හොරකම් සිදු නොවෙනන්ත් මූල්‍ය අපරාධ කොට්ඨාසය අවශ්‍යයි. ඒනිසා සුනිල් හදුන්නෙත්ති මහතා කරපු ප්‍රකාශය පදනම් විරහිතයි. මූල්‍ය අපරාධ කොට්ඨාසය යැයි අමාත්‍යවරයා ප්‍රකාශකළේය.