හරක් බෙදූ හැටි ඇමති කියයි

නවසීලන්තයෙන් ගෙන්වූ කිරි ගවයන් දේශපාලනඥයන්ට ලබාදුන් බවට නැගෙන චෝදනා ප්‍රතික්ෂේප කරන බව ග්‍රාමීය ආර්ථිකය පිළිබඳ අමාත්‍ය පී.හැරිසන් මහතා සඳහන් කළේය.

මෙම ගවයන් ලබාදුන්නේ ප්‍රසිද්ධ පුවත්පත් දැන්වීම් හරහා අයදුම්පත් කැඳවීමෙන් අනතුරුව එම අයදුම්පත් කමිටුවක් මගින් පරීක්ෂා කර බැලීමෙන් පසුව සුදුසුකම් සහිත පුද්ගලයන්ට බවද පවසා සිටියේය.

මෙම අයදුම්පත් යොමු කිරීමේදී නියෝජ්‍ය අමාත්‍ය ලක්ෂ්මන් වසන්ත පෙරේරා මහතා යොමු කළ අයදුම්පත්වලට අනුව ඔහුට කිරි ගවයන් ලබාදී තිබෙන බවද අද (28දා) පැවැති මාධ්‍ය සාකච්ඡාවකදී  ඔහු සඳහන් කළේය.

කිරි ගවයන් 2000ක් බෙදාදීමේදී අයදුම්කරුවන් 19 දෙනෙකුට ලබාදී තිබෙන බවද පවසා සිටියේය.

ඡායාරූප - ඉසුරු පෙරේරා