උප ඇමති නිහඩ වූ හේතුව

මහා නගර හා බස්නාහිර සංවර්ධන නියෝජ්‍ය අමාත්‍ය ලසන්ත අලගියවන්න මහතා සිය අමාත්‍යධුරයේ වැඩ බාරගැනීම අද (01දා) බත්තරමුල්ල නව ගොඩනැගිල්ලකදී පැවැත්විණි.

පාඨලී චම්පික රණවක, සුසිල් ප්‍රේම්ජයන්ත් යන අමාත්‍යවරුද මෙම අවස්ථාවට එක්ව සිටියත් නියෝජ්‍ය අමාත්‍යවරයා අදහස් ප්‍රකාශ කිරීමෙන් වැළකී සිටියේය.

ඒ පිළිබඳව කළ විමසීමකදී නියෝජ්‍ය අමාත්‍යවරයා සඳහන් කළේ  අදාළ නව ගොඩනැගිල්ල ජනපති මෛත්‍රීපාල සිරිසේන මහතා විසින් විවෘත කිරීමට නියමිත බැවින් ඊට පෙර කතාවක් පැවැත්වීම නුසුදුසු බවයි.

පාඨලී චම්පික රණවක මහතාද තමන්ට මේ සම්බන්ධයෙන් උපදෙස් ලබාදුන් බවද ඔහු සඳහන් කළේය. 

ඡායාරූප ඒෂාන් ප්‍රනාන්දු