සිසු විරෝධතාවයට දිගින් දිගට කඳුලු ගෑස්

මාලඹේ සයිටම් පෞද්ගලික වෛද්‍ය විද්‍යාලයට විරෝධය පාමින් සෞන්දර්ය විශ්වවිද්‍යාලයෙන් අද(13 දා) ආරම්භ කෙරුණු සිසු පාගමනට ජනපති ලේකම් කාර්යාලය අසලදී ජල සහ කඳුලු ගෑස් ප්‍රහාරයක් එල්ලවේ.

මේ වන විට විරෝධතාවයට පැමිණි එක් සිසුවෙකු පොලිස් අත්අඩංගුවට ගෙන ඇති අතර සිසුන් දිගින් දිගට ඉදිරියට පැමිණීම හේතුවෙන් කොළඹ කොටුව දෙසට දිගින් දිගට කඳුලු ගෑස් එල්ල කිරීමක් සිදුවන බව අප වාර්තාකරු පවසයි.

සයිටම් ආයතනය සම්බන්ධයෙන් අද ජනාධිපති මෛත්‍රීපාල සිරිසේන මහතා විසින් පවත්වන විශේෂ සාකච්ඡාවට ශිෂ්‍ය ව්‍යාපාරය නියෝජනය කරමින් කිසිවෙකුටත් ආරාධනා කර නොමැති හෙයින් මෙම විරෝධතා පාගමන අද උදෑසන ආරම්භ කරන ලදී.