සිල් සමාදන්වූ පිරිසකට බඹර ප්‍රහාරයක්

මුන්දලම, විජයකටුපොත විජය සිරිවර්ධනාරාම විහාරස්ථානයේ සිල් සමාදන් වූ පිරිසකට අද (10දා) එල්ල වූ බඹර ප්‍රහාරයකින් 70කට අධික පිරිසක් තුවාල ලබා හලාවත මූලික රෝහල, ආනවිලුන්දාව ග්‍රාමීය රෝහලට හා මුන්දලම ප්‍රාදේශීය රෝහලට ඇතුළත් කර ඇතැයි මුන්දලම පොලීසිය පවසයි.

විහාරස්ථාන භුමියේ තිබූ දැවැන්ත බඹර කූඩුවක් වෙත සිල් සමාදන්ව සිටි වෙනත් දරුවන් පිරිසක් විසින් එල්ලකළ ගල් ප්‍රහාර හේතුවෙන් බඹරුන් ඇවීස්සී මෙම බඹර ප්‍රහාරය එල්ල වී ඇති බවත්, බඹර ප්‍රහාරය එල්ල වන අවස්ථාවේ 400කට වැඩි උපාසික උපාසිකාවන් පිරිසක් සිල් සමාදන්ව සිටි බවත් පොලීසිය සඳහන් කරයි.

ඒ අවස්ථාවේ බඹර ප්‍රහාරයට ලක්වූ පිරිස බේරාගැනීමට විශාල පිරිසක් එක්වී ඇති අතර, එම පිරිසද බඹර ප්‍රහාරයට ලක්ව තිබේ.

මේ හේතුවෙන් විහාරස්ථානයේ ආගමික කටයුතුද තාවකාලිකව නවතා දැමිණි.