සාලාව හානී වූ දේපොළ සඳහා වන්දි ලබාදීමේ අනිද්දා

කොස්ගම සාලාව ප්‍රදේශයේ හානියට පත් දේපොළ සඳහා වන්දි ලබාදීමේ මුදල් ප්‍රතිපාදන ලබන සඳුදා (13දා) මුදල් අමාත්‍යාංශයෙන් ලබා දීම සිදු වන බවත් එම මුදල් ලබන අඟහරුවාදා (14) වන විට ආපදාවට පත් ජනතාවට බෙදාදීමට සැලසුම් කර තිබෙන බවත් කොළඹ දිස්ත්‍රික් ලේකම් සුනිල් කන්නන්ගර මහතා පැවසීය.

පසුගියදා කොස්ගම සාලාව යුදහමුදා කඳවුරේ ඇති වූ සිද්ධියෙන් මධ්‍යම හා සම්පූර්ණ වශයෙන් හානියට පත් නිවාස, ව්‍යාපාරික ස්ථාන 654ක් හඳුනාගෙන තිබෙන බව ‍දිස්ත්‍රික් ලේකම්වරයා සඳහන් ක‍ළේය.

එසේ හඳුනා ගැනීමට නොහැකි වූ ස්ථාන ඇත්නම් ඒ පිළිබඳ වහාම තම ප්‍රදේශයේ ක්‍රියාත්විත මෙහෙයුම් මැදියට දැනුම් දෙන ලෙස ද ඒ මහතා ජනතාවගෙන් ඉල්ලා සිටියේය.

සාලාව ප්‍රදේශයේ අද (11) සිදු කළ නිරීක්ෂණයකදී ඒ මහතා මේ බව සඳහන් කළ අතර හානියට පත් දේපල පිළිබඳ තක්සේරු කිරීම මේ වන විට ආරම්භ කර ඇති බව ද ඒ මහතා සඳහන් කළේය.

එම තක්සේරු කටයුතු සඳහා නිලධාරීන් 76 දෙනෙකු යොදවා ඇති අතර එම තක්සේරු කිරීම හෙටින් (12) අවසන් කිරීමට නියමිතය.